Skip Content

Kei te pītau whakareia o te ao nekenekehanga Māori a Beez Ngarino Te Waati.


Ko Beez rāua ko tōna hoa rangatira a Kura Te Waati ngā upoko o te pakahi Hawaiki Tū e whakatere ana i ngā mahi a te Rēhia ki te toi o ngā rangi. 

He kaiako hoki a Beez i Te Wānanga o Aotearoa. Kua riro māna ngā kaupapa e rua e whakaako, arā ko te Kawai Raupapa me te Nekehanga Māori(Māori Movement) taumata tuatoru.

“Nō māua tahi te whakaaro rangatira kia tuitui ai ngā whakaaro e pā ana ki te haka tapere. Tuatahi mai i roto i tā māua nei kamupene a Hawaiki Tū, kātahi ka whai whakaaro māua ki tētahi huarahi mō ngā rangatahi kia whai i ngā pūkenga pēnei i te kapa haka, te mahi whakaari, te mahi kanikani, nekeneke rānei.”

Nā konā i toko ake te kaupapa Māori movement. Ko Tuki te Rangi Curtis tētehi o ngā mātātoa mau rakau i āta poipoi ai i te kaupapa. I takea mai ētahi nekehanga  waewae o neherā, ngā mahi mau rākau, tāpiri atu ko ngā korikori tinana nō te ao Jiujitsu.

“Ko te nekehanga Māori he mea whakangungu mā tātou, kia whakakoikoi i te tinana, te wairua, te hinengaro, te ngākau.”
 
Kāore he mahi i kō atu, i kō mai i te whakaako i Te Wānanga o Aotearoa mō tēnei uri nō ngā kāwai rangtira o Tauranga Moana me Waikato.

“Kua hoki mai au ki Te Wānanga o Aotearoa ki te whakamahi i aku mahi kia whāngaihia ēnei tāonga tuku iho. Ko te tino mahi kia whāia ko te pitomata o ia tauira.”

Kua kitea e ia, i roto i ngā tau, te puawaitanga o āna tauira e tōngakengake ana ki te takahi i tēnei huarahi i te tau kotahi. 

“Ka whakaeke mai te tauira i raro i te āhua o te matakū, kātahi ka eke panuku ki te hurihanganui, kua huri tō rātau ao.  Kua hipa i ō rātau whāinga matua. Ko te pae tawhiti whai muri i tērā, kia whakaatu ki te ao, anei te ātaahua, anei te ranginamu o te tangata Māori.”


 Back to news & events

Published On: 22 Feb, 2017

Article By:



Other Articles

  • 3 December, 2019

    Building a future

    Building was always something Chevron Murray thought would be a good job but it wasn’t until he went online and found a course at Te Wānanga o Aotearoa that he did anything about it.

  • 27 November, 2019

    Kōkiri is back in 2020!

    The search is on for the next kapa (group) of Māori tech entrepreneurs, innovators and start-ups to take part in a unique kaupapa-led business accelerator programme.

  • 26 November, 2019

    Big gathering for end of year noho marae in Tauranga

    More than 120 te reo Māori tauira (students) and kaiako (teachers) gathered at Te Wharekura o Mauao in Bethlehem, Tauranga, last weekend (22-24 November) for a final noho marae stay of 2019.

  • 21 November, 2019

    New toi exhibition in Te Kuiti

    A new public exhibition of toi (artwork) created by Te Wānanga o Aotearoa tauira (students) from Te Kuiti, Te Awamutu, Kihikihi and other areas is getting underway next week.