Skip Content

Tē taea te wetewete e Tiare Teinakore te ao matauranga me te ao kapahaka.


Koia tētahi o ngā kaiako o te hōtaka He Korowai Ākonga (Primary Teaching), he tohu paetahi ki Te Wānanga o Aotearoa hei whakangungu tāngata hei kaiako ki ngā kura tuatahi whakaako ai, ka mutu he kaitātaki wahine hoki nō te rōpu kapahaka nō Te Iti Kahurangi.


“E kore e taea te wehe, ahau me te ao haka, he kotahi,” hai tā Tiare.


E mau ana tēnei tuawahine nō Ngāti Hauā me Aitutaki i tērā korowai ahakoa he aha rā āna mahi tae rawa atu ki tōna akomanga.


“Ko taku waimarie ko ngā wheakotanga, o te ao haka, ko ngā tikanga, ko te reo kei te kaha whakamarumaru i a au, ko taku whakapono kei te kaha whakamarumaru i a au e whakaako ana i āku tauira.”


“He nui ngā wheakotanga ka toia mai i te ao kapa haka, ka toia mai i te ao mātauranga, e rua, e rua.”


Ka puea ake te whakaaro kia haere atu a Tiare ki te kura tuatahi whakaako ai i a ia e tamawahine ana, nā kona ka peke atu ki Te Whare Wānanga o Waikato ki te rapu i ōna tohu whakaako, nā wai, nā wai i kotahi atu ia ki te mura o te ahi.


I a ia e whakaako ana i te kura tuatahi i kitea e ia ētahi āhuatanga ka pai ake pea mēnā ka toro atu ōna pūkenga ki te whakaako i ngā kaiako mā reira horapa ai ōna tāonga ki ngā kura tuatahi, ki ngā whaituā, ki ngā tamariki huri noa.


“Tēnei mea te whakaako he tino manawanui ki au, he tino ngākau nui ki a au, ahakoa he aha te kaupapa i runga i te mohio kē he hononga kei roto i ēnei mahi.  Ka taea e koe tētehi tangata te tino morimori te poipoi i ēnei mahi ka taea e au te ako mai i a rātau.”


Ko te tū tuawhitu tēnei a Tiare i Te Matatini e haere ake nei. I eke panuku ia hei manukura wahine o te motu i te tau 2013, kei te anga atu tōna kanohi ki te Kahu o te Amorangi ki Ngāti Kahungunu.  


“Ko tētehi o ngā kaupapa ko te taukaea o te whanaungatanga ki a Ngāti Kahungunu, te Kāhui Ariki, te Kīngitanga, i te mea i mutunga o te rā ahakoa he aha te kaupapa kei te haere hei kanohi mō te Kīngi me te whare kāhui ariki.”


 Back to news & events

Published On: Feb 23, 2017

Article By:



Other Articles

  • April 3, 2019

    Weaving a secure future

    A Te Wānanga o Aotearoa masters tauira has gone from working in security to taking part in international arts residencies where he shares his weaving expertise with indigenous artists.

  • New Te Wānanga o Aotearoa police preparation course offered

    Tairawhiti police are welcoming a fresh Te Wānanga o Aotearoa course aimed at preparing people keen on a career as a police officer.

  • Graduation for Marlborough's mayor

    Marlborough’s mayor John Leggett has just graduated from Level 2 TeAra Reo Māori (He Pī Ka Pao).

  • Te Wānanga o Aotearoa stand a hive of activity

    Visitors to the Te Wānanga o Aotearoa stand at Te Matatini ki te Ao 2019, have three options.