Skip Content

Kei te pītau whakareia o te ao nekenekehanga Māori a Beez Ngarino Te Waati.


Ko Beez rāua ko tōna hoa rangatira a Kura Te Waati ngā upoko o te pakahi Hawaiki Tū e whakatere ana i ngā mahi a te Rēhia ki te toi o ngā rangi. 

He kaiako hoki a Beez i Te Wānanga o Aotearoa. Kua riro māna ngā kaupapa e rua e whakaako, arā ko te Kawai Raupapa me te Nekehanga Māori(Māori Movement) taumata tuatoru.

“Nō māua tahi te whakaaro rangatira kia tuitui ai ngā whakaaro e pā ana ki te haka tapere. Tuatahi mai i roto i tā māua nei kamupene a Hawaiki Tū, kātahi ka whai whakaaro māua ki tētahi huarahi mō ngā rangatahi kia whai i ngā pūkenga pēnei i te kapa haka, te mahi whakaari, te mahi kanikani, nekeneke rānei.”

Nā konā i toko ake te kaupapa Māori movement. Ko Tuki te Rangi Curtis tētehi o ngā mātātoa mau rakau i āta poipoi ai i te kaupapa. I takea mai ētahi nekehanga  waewae o neherā, ngā mahi mau rākau, tāpiri atu ko ngā korikori tinana nō te ao Jiujitsu.

“Ko te nekehanga Māori he mea whakangungu mā tātou, kia whakakoikoi i te tinana, te wairua, te hinengaro, te ngākau.”
 
Kāore he mahi i kō atu, i kō mai i te whakaako i Te Wānanga o Aotearoa mō tēnei uri nō ngā kāwai rangtira o Tauranga Moana me Waikato.

“Kua hoki mai au ki Te Wānanga o Aotearoa ki te whakamahi i aku mahi kia whāngaihia ēnei tāonga tuku iho. Ko te tino mahi kia whāia ko te pitomata o ia tauira.”

Kua kitea e ia, i roto i ngā tau, te puawaitanga o āna tauira e tōngakengake ana ki te takahi i tēnei huarahi i te tau kotahi. 

“Ka whakaeke mai te tauira i raro i te āhua o te matakū, kātahi ka eke panuku ki te hurihanganui, kua huri tō rātau ao.  Kua hipa i ō rātau whāinga matua. Ko te pae tawhiti whai muri i tērā, kia whakaatu ki te ao, anei te ātaahua, anei te ranginamu o te tangata Māori.”


 Back to news & events

Published On: 22 Feb, 2017

Article By:



Other Articles

  • 28 October, 2020

    Krystal’s caring shines through

    Rotorua’s Krystal Roberts has been having a very busy but successful 2020. In the third and final year of her He Korowai Ākonga (Bachelor of Education – Primary Teaching) degree at the Waiwhero campus of Te Wānanga o Aotearoa, she’s also taken part in the Miss Rotorua contest where she was second runner-up in the Mana Wahine section.

  • 27 October, 2020

    Smashing it out on forestry course

    Four current students on a Te Wānanga o Aotearoa forestry course, along with one former student, have been part of a crew that smashed out the rare achievement of planting one million trees this season near Rotorua.

  • 23 October, 2020

    Tracey weaves a new way forward

    Raranga kaiako Tracey Robens, pictured here helping one of her students, says her art provides her with spiritual space.

  • 22 October, 2020

    Being that “different” social worker

    Armed with social work skills and practical experience she’s acquired while studying at Te Wānanga o Aotearoa, Janine (Ngāti Pākehā) is helping make a difference for under pressure whānau in Rotorua.