Skip Content
Ko te reo me te waiata te koingo o te ngakau

Kua titia ki te whatumanawa o Ani-Piki Tuari te reo Māori me te waiata.

Nā whai anō kei te whakapeto ngoi a Ani hei kaihaka mō Whāngārā Mai Tawhiti, te kapa whakaihuwaka ki Te Kahu o Te Amorangi Te Matatini 2017.

Ka mutu kei te ngāna ia ki te whakahaere kaipakihi whakatipu i ngā mahi whaakaari reo Māori i te ao, he kaiako reo Māori i Te Wānanga o Aotearoa i te pō. 

“Koirā ngā koingo nui mōku ko te reo e noho piritata ana ki te waiata.”

I  tīmata ai a Ani hei kaiako mō Te Aupikitanga ki te Reo Kairangi ki Māngere i tērā tau, nā wai, nā wai kua kitea e ia te hunga e pīkoko ana ki te Reo Māori.

“E mea ana koe, kua tino kaha kuhu atu ngā tauira hīkaka ki te ako i te reo Māori me te whakapakari i a rātou reo Māori nō reira me mihi ka tika ki Te Wānanga o Aotearoa nā rātou i whakatu he wahi hei whakaako ai i ērā tauira.”

I te marama o Huitanguru i eke anō ai a Whāngārā mai Tawhiti ki te kōtihitihi o te ao kapahaka, ā, i riro i a rātou te tohu whakamaumaharatanga i a Duncan McIntyre hei whakaihuwaka o Te Matatini. Koinei te wā tuarua kua toa a Whāngārā Mai Tawhiti i tēnei whakataetae, i wikitoria tuatahi ai rātou i te tau 2007.  

Ahakoa nō te kapa te hōnore, e ai ki a Ani nō Ngāti Konohi me te haukainga o Whāngārā te hōnore.

“I te ata nei i wānanga tahi mātou me te whakaaro kia kawea atu ō, a tātou kuia, koroua ki runga i te atamira mō te tūpuno ka whakahīhī mai rātou i a mātou.”

“Nā reira ko te mea nui ki a mātou ināianei ka taea e mātou te here atu a Duncan McIntyre ki te kāinga ki Whāngārā ki reira noho ai i raro i te maru o Whitireia.”


 Back to news & events

Published On: March 15, 2017

Article By:



Other Articles

  • 21 March 2023

    Studying business was the road to success for Tāmaki couple

    For husband and wife Daniel and Charmaine Ngawharau, studying with Te Wānanga o Aotearoa and using the knowledge learned to start a business has been the best decision they’ve ever made.

  • From art tauira to art kaiako: Tā moko artist eager to share his knowledge

    Rawiri T Horne, a renowned tā moko artist, and new kaiako at the Christchurch campus of Te Wānanga o Aotearoa, is passionate about sharing tikanga through creating art.

  • 14 February 2023

    Embracing te reo Māori the key for Taranaki grandmother to help understand her identity

    A lightbulb moment about identifying as a “New Zealander” led to grandmother and radio station manager Anne Dawson enrolling in Te Reo Māori studies at Te Wānanga o Aotearoa in 2021.

  • 24 January 2023

    From Kenya to Aotearoa - Toi and its many connection's

    Jennifer Dickerson, a self-proclaimed "Third Culture Kid" due to her unique upbringing around the world, has discovered who she is through art.