Te Reo Kairangi – kia tika, kia rere, kia Māori, kia ora!
Ehara kē i te mea ko te angitu haeretanga o Te Reo Kairangi e mātāmua ana i ō Leon Blake whakaaro, engari ko ngā hua ka whakahokia e ngā tauira ki ō rātou iwi, ki ō rātou hapori, ki ngā uri whakaheke anō hoki.
Ko Leon Blake rāua ko Pānia Papa te tokorua, nō rāua ngā tuarā kaha e waha ana i Te Tohu Paerua o Te Reo Kairangi, i raro anō i te marumaru o Te Wānanga o Aotearoa. Kei waenganui i a rāua ko te tupua o te reo, ko Tā Tīmoti Kāretu, e noho mai ana hei rākau taumatua mō te kaupapa.
I takea mai Te Reo Kairangi i ngā wheako o Te Panekiretanga o Te Reo.
Ko tā Leon, "I te kaha haere o ngā iwi ki te whakaora, ki te whakapakari hoki i ā rātou ake tikanga, ka whakaaro a Tīmoti kua tae pea ki te wā kia whakatūngia he kaupapa e noho ai ko te reo tonu hei aronga matua, ā, mā ngā iwi tonu ā rātou tikanga e kawe, e whakaako. "
Ka tīkina ake te pepeha a Tīmoti, ka mirimirihia ai kia puta ai ko ngā pou e whā e kīia ana: ko te reo kia tika, ko te reo kia rere, ko te reo kia māori, ko te reo kia ora, nā konā i puta ai ko Te Tohu Paerua o Te Reo Kairangi ki te ao mārama.
Hei tā Leon, ko tētahi o ngā āhuatanga i motuhake ai te kaupapa, ko tana kore i whakawhāiti i te reo hei kaupapa rangahau noa iho.
“Ko te reo hei waka kawe i ngā whakaakoranga. Mai i te tīmatanga ki te mutunga, ka rumakina ngā tauira ki te reo, kia whānui ake ai, kia hōhonu ake ai hoki tō rātou mōhio ki ngā āhuatanga huhua o te reo."
Kua eke tonu ki te rua tekau tau e waihanga nei a Leon rāua ko Pānia i tā rāua ake pūnaha wete reo, me kore noa e mārama ake ōna āhuatanga ki te tangata, me kore noa hoki e ū ōna āhuatanga ki te ngākau o te tangata.
“Kia kaua te wete reo e noho hei kaupapa whakamataku i te tangata, engari kia noho kē hei kaupapa whakamīharo mā te tangata,” hei tā Leon.
Engari ehara ko ngā tauira anake te hunga e whiwhi nui ana. Hei tā Leon, ko tētahi o ngā tino taonga ki a rāua ko Pānia, ko ngā hononga kua tuituia ki ngā tauira o ngā iwi, o ngā reanga, me ngā whakapono huhua.
Ahakoa ngā rerekētanga, kotahi tonu te taurahere e here nei i a rātou – ko Te Reo Kairangi.
Nō nā tata nei ka whakanuia ngā mahi a Leon rāua ko Pānia, i tō rāua pōhiritanga kia noho hei āpiti toa mō te Royal Society Te Apārangi.
Ko tā Leon, ehara ko rāua te tino aronga o taua whakamānawatanga. Engari kē ia ko ngā taonga tuku iho me te hunga nā rātou aua taonga i tuku iho me mihi, me whakamānawa.
“Ehara ko māua ngā mea hei mihi, engari ko tō tātou reo kē hei mihi mā tātou.”
Ko tana wawata, kia kaha ake ngā iwi ki te whakatū i ā rātou ake kaupapa e aro ana ki ngā taumata tiketike o te reo, kia puāwai tonu ai ngā kākano i ruia rā e ngā koroua me ngā kuia o mua.
Kei te pūtake tonu o Te Reo Kairangi ko Tā Tīmoti Kāretu. Ahakoa kua tata te koroua ki te 90 tau te kaumātua, e hoki tonu ana ia ki te tautoko i te kaupapa i ngā wā e taea ana e ia.
Hei tā Leon, "ko Tīmoti tētahi o ngā tino take e pai ai tā tātou kaupapa, ā, ko tōna ingoa me tōna mana e kukume tonu nei i ngā uri o ngā iwi o te motu ki Te Reo Kairangi."
Pūrongo whakahirahira
Featured stories
Te Reo Kairangi – kia tika, kia rere, kia Māori, kia ora!
Ehara kē i te mea ko te angitu haeretanga o Te Reo Kairangi e mātāmua ana i ō Leon Blake whakaaro, engari ko ngā hua ka whakahokia e ngā tauira ki ō rātou iwi, ki ō rātou hapori, ki ngā uri whakaheke anō hoki.
Vote at Te Wānanga o Aotearoa in the 2026 General Election
Selected Te Wānanga o Aotearoa campuses will be open as voting places during the 2026 General Election, making it easier for tauira, kaimahi, whānau and our wider communities to have their say.
Te Wānanga o Aotearoa launches new reo Māori programmes to help te reo thrive for generations to come
For over four decades, Te Wānanga o Aotearoa has created pathways for generations of tauira to learn, speak, teach and live te reo Māori. That legacy has supported the return of te reo Māori to everyday life, from whānau learning their first kupu, to tauira carrying reo onto marae, and into workplaces, classrooms and homes.
Turning a passion for rongoā into community healing
Rongoā Māori has always been part of Patricia Tangira-Falwasser's life, but it was her studies at Te Wānanga o Aotearoa that deepened her knowledge and inspired her to start a business that now serves her wider community.
Te Wānanga o Aotearoa kaimahi claims gold at Waka Ama World Championship
Ken Henry (Te Whakatōhea, Waikato-Tainui) is a Tauira Support Advisor at Te Wānanga o Aotearoa Whakatāne campus who took home gold at the Waka Ama World Championships in Singapore in August.
A passion for taonga Māori takes Chanel to Oxford
What started as a desire to strengthen her reo Māori has taken Chanel Coromandel (Ngāti Raukawa, Ngāti Hine, Ngāti Apakura, Ngāti Whanaunga) on an unexpected path, leading to an opportunity to contribute to the care and preservation of taonga Māori at the Pitt Rivers Museum in Oxford, England.
Reconnecting to te ao Māori through raranga
Haylee Roussel (Ngāti Rārua, Rangitāne, Ngāti Maniapoto) was searching for a way to reconnect with te ao Māori when she enrolled in the Certificate in Māori and Indigenous Art, Raranga, at the Waiwhero campus of Te Wānanga o Aotearoa.
A journey shaped by whānau and a love of tamariki
Members of Tayla-Marie Takawe’s (Ngāti Awa, Ngāti Maniapoto) whānau were among the first tauira to graduate from the Bachelor of Education (Primary Teaching) at Te Wānanga o Aotearoa.
Finding a deeper sense of self through te ao Māori
Moving to Aotearoa from rural Australia as a teenager, Lily Warring found herself wanting to learn more about the culture and language of the place she now called home.
Creating the spark for business success
With plenty of experience as an electrician, Josh Verstraten was ready to branch out from employee to business owner, but he knew running a successful business would require a new set of skills.
